ភ្នំពេញ៖រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន កំពុងសិក្សាសាងសង់ផ្លូវថ្មីមួយខ្សែទៀតនៅតាមបណ្តោយផ្លូវរថភ្លើងចាប់ពីអាកាសយានដ្ឋានអន្តរជាតិភ្នំពេញ មកក្រោយសាលាតិចណូ ក្នុងខណ្ឌទួលគោក។
ឯកឧត្ដម ឃួង ស្រេង អភិបាលរាជធានីភ្នំពេញ បានបញ្ជាក់ថា រដ្ឋបាលរាជធានីភ្នំពេញ និងក្រសួងសាធារណការ និងដឹកជញ្ជូន កំពុងសិក្សាសាងសង់ផ្លូវមួយខ្សែទៀត នៅតាមបណ្តោយផ្លូវរថភ្លើងចាប់ពីអាកាសយានដ្ឋានអន្តរជាតិភ្នំពេញ មកក្រោយសាលាតិចណូ ក្នុងខណ្ឌទួលគោក ដើម្បីដោះស្រាយការកកស្ទះចរាចរណ៍ នៅតាមបណ្ដោយផ្លូវសហព័ន្ធរុស្ស៊ី។
ឯកឧត្តមបានបន្ថែមទៀតថា គម្រោងនេះបានទទួលការឯកភាពពីក្រសួងសាធារណការ និងដឹកជញ្ជូនម្តងរួចមកហើយ តែត្រូវផ្អាកវិញដោយសារវិបត្តិជំងឺកូវីដ ១៩។ ទើបតែពេលនេះ អាជ្ញាធរបាននិងកំពុងសិក្សាដើម្បីស្ថាបនាផ្លូវមួយខ្សែនេះឡើងវិញ៕ដោយៈផាវី